الطريقة:
أولا:بصل مفروم ناعم مع فصين ثوم مفرومين وتحمريهم فى سمنة بلدى عشان تدى طعم حلو
لما البصل يصفر تنزلى عليه بفلفل حامى أو بارد “حسب الرغبة” وتضيفى معلقتين كبار صلصة .
ثانيا: التوابل
ملح وفلفل وكمون وسكر
ثالثا : تضيفى بعدها اللحمة وتكون مسلوقه كويس وتشوحيها مع كل ده كويس لغاية ماتتكرمل وتاخود لون دهبى حلو.
وممكن تسويها نيه مع البصل والثوم من الأول زى كباب الحله بتكون احلى كمان
تضيفى طماطم مقطعه مكعبات صغيره وتسيبى الخليط ده كله ١٠ دقايق يتسبك على نار متوسطة.
رابعا: فى حلة تانى هنضيف معلقة سمنة أو زبدة ونحمر فيها لسان العصفور لغاية ما يوصل للون المطلوب
بعدها هنضيف كوبايتين من الشوربة المغلية أو مية مغلية مع مكعب مرق على الخليط ونقلبه كويس وننزل فيه بلسان العصفور ونقلب كله مع بعض
نسيبه يغلى غلوة واحدة على النار وبعدين ننقلة فى طاجن وندخله الفرن نص ساعة يتشرب وياخد الوش الجميل بتاعه وبالهنا والشفا .
